Hevserokên DEM Partiyê Tulay Hatîmogûllari û Tûncer Bakirhan bi Kurmancî, Kirmanckî, Tirkî û Erebî peyam dan.
Di peyamê de hate gotin, “Di van rojên cejnê de ku cejnên Remezanê û Newrozê li hev rast hatin, em hêvîdar in ku ji bo welatê me û herêma me bibe hêviya rojên aştiyê, ne yên şer.”
Hevserokên DEM Partiyê destnîşan kir ku rêya vê yekê jî ji bo Tirkiyeyê Komara Demokratîk e, ji bo herêmê jî Rojhilata Navîn a demokratîk e û cejna Remezanê bi hêviya aştî, wekhevî û azadiyê li 86 milyon mirovî pîroz kirin.
