Ji bo projeyeke ku Şîrketa Depokirin û Hilberîna Enerjiya Solarê ya Exenê beriya niha Wezareta Guhertina Avhewa, Bajarvanî û Hawirdorê biryara “Pêwîstî bi rapora Nirxandina Bandora Hawirdorî (ÇED)” nîne. Gundiyan diyar kirin ku proje wê çêrgehên gund tine bike, lewma îtiraz kiribûn û doz dabûn destpêkirin.
Dadgeha Îdareyê ya 2’yemîn a Mêrdînê bi hinceta ku tedbîrên ji bo kêmkirina bandora li hawirdorê têrker e, di dawiya sala 2025’an de doz red kiribû. Biryar ket rojeva Dadgeha Şêwirmendiyê.
Gundî û parêzeran di serlêdanên xwe de gotin, statuya çêrgehê li ber çavan nehatiye girtin, lêkolîna qada alternatîf nehatiye kirin, bandora ekolojîk bi têrkerî nehatiye lêkolîn û zerar wê li sewalkariya herêmê bibe.
Daîreya 4’emîn a Dadgeha Şêwirmendiyê 12’ê Adarê bi biryara xwe serlêdana temyîzê red kir û biryara dadgeha herêmî li gorî hiqûqê guncaw dît.
Şêniyên Bacînê ku gund di salên 1990’î de hate valakirin û salên dawî veger lê bû, piştî biryarê diyar kirin ku wê 9’ê Gulanê roja Şemiyê li gund daxuyaniyekê bidin çapemeniyê. Gundî dibêjin proje li ser çêrgehan û avaniya çandî û xwezayî ya herêmê metirsî ye.
