Navenda Ragihandin û Çapemeniyê ya Yekîneyên Parastinê yên Rojhilatê Kurdistanê (YRK) têkildarî kuştina Omîd Weşkelanî daxuyaniyek da.
Di daxuyaniyê de hate gotin, “22’ê Gulana 2026’an li gundê Tusoran ê bajarê Merîwanê kontrayê bi navê Omîd Weşkelanî hate cezakirin. Ev çalakî ji aliyê hêzên me yên herêmî yên otonom ve hatiye lidarxistin. Derbarê cezakirina Omîd Weşkelanî de hin hêzên din xwestin vê çalakiyê bigirin ser xwe. Lê piştre em agahdar bûn ku ev çalakî ji aliyê hêzên me yên herêmî ên otonom hatiye kirin. Ji bo vê çalakiyê em hêzên xwe yên herêmî pîroz dikin.”
YRK’ê li ser kiryarên Omîd Weşkelanî jî ev agahî da:
“Kontrayê bi navê Omîd Wişkelanî kesekî bi vî rengî bû ku bi her şêwazî bi dagirkeriya Îranê re di nava hevkariyê de bû. Li herêmê karê fûhûş û madeyên hişbirê re mijûl dibû. Kesekî wisa bû ku bi her awayî destdirêjî li nirxên gelê me yê welatparêz dikir. Di nava medya dijîtal de gelek dîmen û wêneyên Omîd Weşkelanî hene ku heta dawî piştgiriya xwe ji bo rejîma dagirker a Îranê dide nîşandan. Ev kes bi destekdayina rejîma dagirker ya Îranê ku ji bo xwe mîna hêzekê didît li ser gelê me tehdît û şantaj dida meşandin.
Me di daxuyaniya xwe ya beriya niha de jî dabû diyarkirin û her kes hişyar kiribû ku ew kesên bi rejîmê re di nava hevkariyê de bin û destê wan di xwîna heval û gelê me de hebin wê hedefa hêzên me bin.”
