Li Rêxistina Azadbûn a Silêmanî ya Başûrê Kurdistanê desteyek ji parêzeran û çalakvanan daxuyaniyek têkildarî desthilata dadwerî ya li Herêma Kurdistanê da.
Daxuyanî ji aliyê Parêzer Tiwana Ebdulrehman ve hate xwendin.
Di daxuyaniyê de hate diyarkirin ku li Herêma Kurdistanê piştî derbasbûna 35 salan û zêdetirî 20 salan ji ser danîna destûra bingehîn a Iraqê û yasaya desthilatdariya Herêma Kurdistanê, rewşa van desthilatdariyê di dema xwe ya herî xirab de ye û got: “Avaniyên bilind ên desthilata dadwerî, weke piranî avaniyên din bûne qurbanê qontrolkirin, mêtingerî û parvekirina partiyan. Niha ev avanî bûne beşek ji lîstikên siyasî. Ji ber vê jî baweriya xelkê bi desthilatdariyê nemaye.”
Di dewama daxuyaniyê de hate destnîşan kirin ku ji ber bandora partiyan, di roja îro de beşek ji karên dadgehê liber çavan re derbaskirinê ji hev ketiye û wiha hate gotin: “Ji ber grev û karnekirina beşek ji dadweran, di encamê de dezgehên dadgehê statûya xwe ya yasayî ji dest daye û li gorî daxwazan tevnagerin. Heta gotegot hene ku hewl tê dayîn ku dadgehe din ya temyîzê û meclisa dadwerî bê avakirin.
Di dewamê de ev hate gotin: “Têkçûn û parçebûna dadweriyê îsbat dike ku çawa her pariyek bi aliyê xwe ve kişandiye. Aliyek kontrol dike, aliyek din jî têk dide. Aliyek zextê dike, aliyek parçe dike. Ev rewşa niha li dadgeha temîzê û meclisa dadweriyê encama li bendê ya parçekirin û parvekirina di navbera herdu partiyên de heye ku taybet ji sala 2018’an ve.”
Herî dawî ev hate gotin: “Divê em piştgir bin ji bo avakirina desthilata dadwerî ya bi rêya hilweşandin û dubare avakirina meclisa dadwerî û dadgeha temyîzê ya Kurdistanê. Li ser bingehê destûra bingehîn û yasaya desthilata dadwerî dema wê hatiye Herêma Kurdistanê bibe xwedî desthilata dadwerî ya serbixwe û bê alî. Bikare pirsgirêkên di navbera welatiyan û hemû aliyan de bêalî, li gorî yasa û dûrî destwerdan û partiyên siyasî bê encamdan.”
