Bi pêşengiya Komeleya Yekitî, Çand, Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirin e re (MEBYA-DER) a Colemêrgê ji bo şehîdên Tevgera Azadiya Kurdistanê yên ku di dem û dîrokên cuda de jiyana xwe ji dest dane li Eywana Dawet û Konferansê ya Çayir a li taxa Gungorê ya navçeya Geverê ya Colemêrgê şîn hat danîn. Roja yekem ya şînê bi tevlibûnên girseyî bi dawî bû. Li her çar aliyên herêmê bi hezaran welatî tev li şînê bûn. Li Şemzînanê gelek welatî bi pankarta “Bîranînên wan dê rêya me ronî bikin, şehîd namirin” meşiyan û tev li şînê bûn, sersaxî ji malbatên şehîdan xwestin.
Di roja yekem a şînê de malbatên ku zarokên xwe dane vê têkoşînê axivin. Dayîka şehîd Guler Gurbuz (Rojîn Gever) Zozan Gurbuz anî ziman ku ev şêhîdên hemû Kurdistanê ne û serê gerîlayan û birêz Ocalan sax be.
‘SERÊ ME BI WAN SERBILIND E’
Bavê şehîd Rojbîn Akdogan (Awesta Raperîn) û Derya Akdogan (Arîn Gever) Haci Akdogan jî di axaftina xwe de diyar ku zarokên wan ji bo gelê xwe û axa xwe canê xwe dane û got: “Serê me bi wan bilind e. Baxçeyên Kurdistanê bi xwîna wan hatin avdan û kulîlk vedan. Têkoşîna wan hêz û hêvî da me.”
‘EM BI CAN GIRÊDAYÎ DOZ Û RÊBERÊ XWE NE’
Piştre li ser navê Meclîsa Dayîkên Aştiyê ya Colemêrgê Gulbeyaz Mihçi axivî û got: “Em bi xwîn û canê xwe girêdayê doza xwe û Rêberê xwe ne. Em çiqas biêşin jî em ê têkoşîna xwe xwedî derkevin.”
Wê şîn sibê di heman saetê de dest pê bike.
