Festîvala Fîlman a Navneteweyî ya Silêmaniyê duh li Hola Telarî Huner a li Silêmaniyê dest pê kir. Ji bilî derhêner û fîlmçêker, nûnerên siyasî û hikûmetê û gelek mêvan ji her çar parçeyên Kurdistanê û derveyî welat beşdarî festîvalê bûn.
Festîval salvegera mirina derhêner û sînemavan fîlman ê Kurd Yilmaz Guney di 9’ê Îlonê de dest pê kir. Nêzîkî 650 fîlman ji 31 welatan ji bo festîvalê serlêdan kirin û juriyê ji 23 welatan 108 fîlm tevlî bernameya festîvalê kir.
Mûzîkjenê Kurd Mehmûd Berazî di Festîvala Fîlman a 6’an a Navneteweyî ya Silêmaniyê ya Herêma Başûrê Kurdistanê de hat xelatkkirin.
Berazî bi tevlihevkirina amûrên mûzîkê yên kevneşopî yên Kurdî bi aranjeyên mûzîkê yên modern navdar bû. Berazî bi Hunergeha Welat û Komîna Fîlman re li ser hilberandin û belavkirina berhemên mûzîkê û stranên kevneşopî û gelêrî hevkarî kir.
Berazî ku bi eslê xwe ji Kobanê ye rêwîtiya xwe ya mûzîkî di 1994’an de li bajarê Serêkaniyê dest pê kir. Perwerdeya xwe ya destpêkê li ber destê helbestvan û awazejenê Kurd ê navdar Bê Bihar girt. Piştre fêrî amûran mûzîkê weke tembûr û alavên dîtir bû.
6’emîn Festîvala Fîlman a Navneteweyî ya Silêmaniyê ku wê di 15’ê Îlonê de bi dawî bibe, panelên li ser sînemayê û du dersên masterê jî bên lidarxistin.
