Kampanya “Sêşema na ji darvekirinê re” ku li 62 girtîgehan di hefteya 138’emîn de dewam dike, bi daxuyaniyekê kesên di şoreşa ‘Jin, Jiyan, Azadî’ de jiyana xwe ji dest dan bi bîr anî.
Di daxuyaniyê de hate ragihandin ku ji dawiya meha Tebaxê û vir ve li Îranê herî kêm 61 kes hatin darvekirin, her wiha cezayê darvekirinê li hin girtiyan hate birîn û hin înfaz jî hate bicihanîn.
Kampanyayê diyar kir ku li derveyî Îranê jî hin kesan di salvegra protestoyên girseyî de di serî de Parîs, Koln û Londonê li bajarên cuda çalakî lidar xistin û piştgirî dan kampanyayê. Hate ragihandin ku endamên kampanyayê li gel greva birçîbûnê plan dikin ku li ber avahiya Neteweyên Yekbûyî ya li Viyanayê çalakiyeke şermezarkirinê lidar bixin.
Di daxuyaniyê de her wiha hate bibîrxistin ku li herêma Kurdistanê ji bo roja Çarşemê ya hefteya bê banga greva giştî hatiye kirin û hikumetê Seqiz jî di nav de li hin bajaran gef li dikandaran xwariye.
