Mamosteyên branşên zanistî yên bi zimanê kurdî li Hesekê daxuyaniyek li Dibistana Felak Hawas da. Daxuyanî ji hêla mamoste Cemila Hito û Malva Xelef ve hate xwendin.
Di daxuyaniyê de hate destnîşankirin ku mamosteyên matematîk, fîzîk, kîmya, biyolojî û zanistên giştî, biryara Wezareta Perwerdeyê ya der barê zimanê kurdî de napejirînin û destnîşan kir ku her biryareke ku mafê zarokên wan ê fêrbûna zimanê dayikê binpê dike, binpêkirina mafekê perwerdeyê ye.
Mamosteyan diyar kir ku zimanê kurdî beşeke girîng a nasname, dîrok û çanda gelê Kurd e û nayê qebûlkirin, wekî mijareke duyemîn an tiştekî ku dikare bi biryareke îdarî were betalkirin û paşguhkirin were hesibandin.
