Fûara Pirtûkan a Navneteweyî ya Frankfûrtê ya 78’emîn ku 7’ê Cotmehê li bajarê Frankfûrt ê Elmanyayê destpê kir, êvara 11’ê Cotmehê bi dawî bû. Fûarê ji welatên cuda yên cîhanê gelek weşanxane, wêjevan, saziyên çandê, rojnamevan, akademîsyen û nûnerên sektora weşangeriyê gihand hev.
4 hezar û 131 beşdar tevlî fûarê bûn. Di çarçoveya bernameya fûarê de 3 hezar û 600 çalakî hatin lidarxistin.
Li fûarê mijarên wêje, çand, azadiya fikrî, demokrasî, mafên mirovan û paşeroja teknolojiyê hate nirxandin.
Mêvanê rûmetê yê Fûara Pirtûkan a Frankfûrtê ya vê carê Çekya bû.
Çeyayê bi mijara “Ein Land an der Küste” (Welatek li peravê” qadeke ji 2 hezar û 300 metreçargoşeyî li fûarê ava kir û bi 75 nivîskaran beşdarî bû.
Li gel wêjeya Çekê her wiha avaniya welat a çandî hate nasandin û ji bo vê jî hişê çêkir û teknolojiyên înteraktîf jî hatin bikaranîn.
Li salonên cuda yên Fûara Pirtûkan a Frankfûrtê nûnerên weşanxane, ajansên wêjeyê, şîrketên belavkirinê, saziyên çandê û nûnerên medyayê yên ji çar aliyên cîhanê cih girtin.
Têkildarî weşangeriya Tirkiyeyê jî li fûarê çalakî hatin lidarxistin.
Di bernameya fûarê de karên têkildarî wêjeya Kurd û dîroka Kurd jî ıhebû.
Nivîskar Hasan Hayrî Ateş bi vexwendina Meclîsa Biyaniyan a Şaredariya Frankfûrtê bi romana xwe ya bi navê “Dema Şer bû” li Fûara Pirtûkan a Frankfûrtê amade bû.
Siyasetmedarê Kurd û nivîskar Îdrîs Balûken jî li fûarê li ser wêjeya Kurd semînerek da. Nivîskarê Kurd Mûsa Karbadag jî beşdarî çalakiyên li ser wêjeya Kurd bû.
Îdrîs Balûken anî ziman ku tevlîbûna li Fûara Pirtûkan a Frankfûrtê ji bo wî girîng e û bal kişand ser zexta li ser çand, nasname û zimanê gelê Kurd.
Nivîskar Mûsa Karbadag jî bandora jiyana sirgûnê ya li ser hilberîna wêjeyê nirxand û got, “Hûn dikarin rizgariya gelekî, civakekê ji aliyê leşkerî û siyasî ve pêk bînin; lê belê bi huner û wêjeyê ew civak dikare bigihêje siberojeke xurt. Lewma platformên bi vî rengî gelekî girîng in, gelekî hêja ye.”
Karbadag destnîşan kir ku wêjeya Kurd divê li qada navneteweyî hîn bêhtir bê dîtin û işaret bi girîngiya wergerê bi danîna têkiliya navbera çandên cuda kir.
Hasan Harî Ateş jî bi romana xw eya bi navê “Dema şer bû” bal kişand ser bîra dîrokî ya Dersimê.
Di Fûara Pirtûkan a Frankfûrtê de îsal li gel wêjeyê her wiha sernavên demokrasiyê, mafên mirovan, azadiya fikrî, dezenformasyon, hişê çêkirî û guherîna civakî jî hate nirxandin. Yek ji sernavên girîng ên fûarê têkiliya navbera pirtûk û sînemayê bû.
