Li Gundê Siftekê yê rojavayê Kobanê, Gundê Şêxçopan yê başûrê Kobanê û li navçeya Çelebiyê bi boneya 4`ê Nîsanê rojbûna Rêber Apo bi sedan dar hatin çandin.
Desteya Jîngehê û sazî û dezgehên Rêveberiya Xweseriya Demokratîk ên Kantona Firatê bi boneya 4`ê Nîsanê li baxçeyê Rêber Abdullah Ocalan yê li Gundê Siftekê yê rojavayê Kobanê dar çandin.
Endamên Desteya Jîngehê, sazî û dezgehên girêdayî Rêveberiya Xweser û Kongra Star beşdarî çalakiya çandina daran bûn. Gelek cureyên darên fêkiyan û sinoberan hatin çandin.
Piştî çandiniya daran jî daxuyaniyek hate dayîn û daxuyanî ji aliyê Endama Kongra Star a bajarê Kobanê Hêvîn Elî ve hate xwendin.
Naveroka daxuyaniyê wiha ye:
‘’Em 4`ê Nîsanê li Rêber Apo, tevahiya mirovahiyê, gerîlayên serê çiyayan û şervanên di çeperên şer de pîroz dikin.
Bi boneya 4`ê Nîsanê rojbûna Rêber Apo em li vir in da ku daran biçînin. Rêber Apo her tim xweza parastiye. Divê em jî daran biçînin û xwedî li xwezayê derkevin û xwezayê biparêzin. Dijmin her tim bi êrîşên xwe xwezayê talan dike. Lê belê divê em her tim xwezayê ji êriş û xirabkirinê biparêzin.
Rojbûna Rêber Apo rojbûna tevahiya mirovahiyê ye. Her wiha rojbûna Rêber Apo rojbûna mafê jinan e.’’
Li Gundê Şêxçopan yê başûrê Kobanê jî dar hatin çandin.
Darên bi cureyên fêkî û sinoberan li daristana Şehîd Xeyrî hatin çandin.
Heman çalakî li navçeya Çelebî ya girêdayî bajarê Kobanê jî hate lidarxistin.
