2’yemîn Civata Giştî ya Komeleya Mafên Mirovan (ÎHD) di roja 2’yemîn de li Sehneya Yilmaz Guney a Şaredariya Çankayayê didome. Civata Giştî, bi pêşnûmeyên biryaran didome. Hevserokê Giştî yê Partiya Demokratîk a Gelan (HDP) ê berê Selahattîn Demîrtaş, ji lijneyê re peyam şand.
Demîrtaş di peyama xwe de diyar kir ku kesên di ÎHD’ê de cih digirin wijdana welat û hêviya bindestan e. Demîrtaş, spasiya hemû kesên di ÎHD’ê de cih girtin kir û got: “Kesên di vê oxirê de canê xwe dane jî bi rêzdarî bi bîr tînim. Mîrateya têkoşînê ya ÎHD’ê, dê îro bi biryarên nû re bêhtir xurt bibe. Ji rêveberiya nû re serketinê dixwazim û kesên tê de cih digirin pîroz dikim. Em ê bi hev re teqez siberojeke azad, wekhev û adilane ava bikin. Bi hezkirin û rêzdarî we silav dikim. Bi hêviya ku em di rojên azad de hev bibînin.”
