Di lêpirsîna der barê windakirina xwendekara Zanîngeha Mûnzûrê Gulistan Dokûyê de ku di 5’ê Çileya 2020’î de hat windakirin, geşedanên nû diqewimin. Waliyê berê yê Dêrsimê Tûncel Sonel hat binçavkirin.
Her wiha Serbijîşkê berê yê Nexweşxaneya Dewletê ya Dêrsimê Çagdaş Ozdemîr bi hinceta qeydên nexweşxaneyê jêbiriye hat binçavkirin. Hat zanîn ku serbijîşk bi sûcê “delîlan tunekiriye” hatiye binçavkirin.
Piştî derketin holê ku daneyên ku nîşan didin Gulîstan Doku beriya winda bibe ketiye li Nexweşxaneya Dewletê ya Dêrsimê û piştî ku tomarên sîstemê yên wê rojê hatine jêbirin, Wezareta Tenduristiyê lêpirsîn da destpêkirin.
Di çarçoveya lêpirsînê de hat eşkerekirin ku her çend daneyan nîşan didan ku Gulîstan Doku di 31’ê Kanûnê de saet di 09:09’an de ketiye Nexweşxaneya Dewletê ya Dêrsimê, hemû tomarên qeydên pergalê yên wê rojê hatibûn jêbirin.
Fîrmaya ragihandinê (bilişim) ku li ser daneyên nexweşxaneyê lêkolîn kir, rapora xwe pêşkeşê dozgeriyê kir û wiha hat gotin, “Nebûna tomarên pergalê nikare wekî bûyerek normal were hesibandin; tê fêmkirin ku tomarên yên roja têkildar bi destwerdana teknîkî ya bêdestûr bi zanebûn hatine jêbirin.”
Ji aliyê din ve, rêveberiya nexweşxaneyê îdia red kirin û îdia kirin ku Gulîstan Doku di wê roja navborî de qet serdana nexweşxaneyê nekiriye.
Ji wezeretê daxuyaniya ku hat dayîn de ev hat gotin: “Derbarê bûyera Tunceliyê de, wezareta me lêpirsîn da destpêkirin û mufetîşek ji bo vê mijarê erkdar kir.
