Rayedaran diyar kirin ku li plaja navdar a li Sydneyê hejmara kesên ku ji ber êrişê jiyana xwe ji dest dan herî kêm 12 ye.
Serokwezîrê Eyaleta Galê ya Başûr a Nû Chris Minns ragihand ku êriş di kêliyeke girseyî de hate kirin û di nava kesên mirine de 2 êrişkar jî hene.
Polîsan diyar kirin ku ji birîndaran 2 kes polîs in. Hate ragihandin ku li wesayitek têkildarî bûyerê teqemeniyek bi destan hatiye amadekirin jî hate dîtin.
Li gorî gotinên şahidan û daxuyaniyên polîsan, du kesên ku kincê reş li xwe kiribûn ji ser pirekê gule li mirovên li plajê reşandin.
Li plajê di dema çalakiya “Hanûka ya li Qiraxa Deryayê” êriş hate kirin.
Di dîmenan de yên li medya Awûstralyayê hatin weşandin, sivîlek li nava wesayitan bi pêş ve diçe û yek ji êrişkaran bêbandor dike.
Polîsan diyar kirin ku du gumanbar hatin binçavkirin, yek ji wan jiyana xwe ji dest da, rewşa yekî ji wan krîtîk e. Hate ragihandin ku operasyon dewam dike û bang li gel hate kirin ku ji herêmê dûr bikeve.
Serokwezîr Anthony Albanese bûyer weke “Êrîşeke terorê ya hilweşîner û cihê şokê” pênase kir.
Albanese got, “Di rojeke cihê kêfxweşiyê ya roja destpêkê ya Hanûka de, ev êrişa li hemberî Awûstralyayiyên Yahûdî hate kirin, êrişek li dijî hemû Awûstralyayiyan e.”
Serokkomarê Îsraîlê Isaac Herzog jî êriş weke “Çalakiyeke terorê ya zalim a li hemberî Yahûdiyan” pênase kir, şermezar kir û ji bo xurtkirina têkoşîna li dijî antîsemîtîmzê bang li Awûstûryayê kir.
Rayedarên Awûstralyayî hîn piştrast nekirine ku êriş li hemberî civaka Yahûdî hatiye kirin, lê belê li herêmên ku nifûsa Yahûdiyan lê zêde ye tedbîrên ewlekariyê hatin zêdekirin.
Civaka Misilman a li Awûstralyayê jî êriş şermezar kir.
