Wezîrê Karên Derve yê Rwandayê Olivier Nduhungirehe ji televeîzyoneke dewletê re axivî û got: ‘’Em li gel Dewletên Yekbûyî yên Emerîkayê (DYE) hevdîtinan pêk tînin.’’
Rwanda di salên dawîn de xwe weke welatê bûye cihê penaberên ku ji aliyê dewletên Rojavayî ve hatine dersînorkirin, pênase dike.
Rwandayê di sala 2022’yan de ji bo qebûlkirina bi hezaran penaberên ku berê xwe dane Îngilistanê bi Îngilistanê re peymanek îmze kiribû lê belê peyman ji aliyê Serokwezîrê nû Keir Starmer ve hatibû betalkirin.
Wezîrê Karên Derve yê Rwandayê Olivier Nduhungirehe têkildarî peymana li gel DYE’yê ya muhtemel ev yek jî anîn ziman: ‘’Hê ne diyar e bê ka wê çarçoveya peymanê çawa be lê belê nîqaşên têkildarî mijarê berdewam dikin… û ev pêngavên destpêkê ne.’’
Wezîrê Karên Derve yê DYE’yê Marco Rubio di daxuyaniyeke xwe ya beriya niha de diyar kir ku ji bilî El Salvadorê têkildarî vê mijarê ew li gel hin dewletên din jî di nava danûstandinê de ne. Çavkaniyên Emerîkî piştrast kiribûn ku yek ji welatên ku hevdîtin li gel tê kirin Rwanda ye.
Tevî ku ev hevdîtinên têkildarî penaberan ji aliyê rêxistinên mafên mirovan ve bi awayekî tund werin rexnekirin jî wisa xuya ye ku rêveberiya Donald Trump têkildarî tundkirina polîtîkayên penaberan bi biryar e.
