Şandeyeke leşkerî û ewlehiyê ji Bakur û Rojhilatê Sûriyeyê ji bo hevdîtina bi hikumeta veguhêz re duh êvarê gihîşt paytexta Sûriyeyê Şamê.
Şande ji endamên Fermandariya Giştî ya QSD’ê Sozdar Hacî û Sîpan Hemo, berdevkê QSD’ê Ebcer Dawud û ji fermandarên QSD’ê Şakir Ereb, ji fermandarên Hêzên Ewlekariya Hundirîn Dilêr Hisên Temo, Elî Xidir El Hesen, Mistefa Mehmûd Delî, Aho Êlyo Lehdo, cîgira hevserokên Desteya Hundirîn a Bakur û Rojhilatê Sûriyeyê Arîn Mistefa pêk tê.
Endamên şandeyê û rayedarên hikûmeta veguhêz mijarên ewlehî û leşkerî gotûbêj kirin. Lê der barê encamên hevdîtinê de tu daxuyaniyên fermî nehatin dayîn. Çavkaniyan got, hevdîtin erênî nirxand.
Ev hevdîtin, di çarçoveya dan û standinên ewlehî û leşkerî yên bi hikumeta veguhêz re, di nav de pêkanîna peymanê 10’ê Adarê ya bi armanca mîsogerkirina ewlehiyê li gelemperiya welat, pêk hat.
