Rêveberên Komeleya Mafên Mirovan (ÎHD) di daxuyaniya li Hatayê de axivîn û diyar kirin ku jiyana konteyneran a demkî mayînde bûne û hê jî di xizmeta perwerde û tenduristiyê de kêmasiyên mezin hene.
Rêveberan bal kişand ser temamnebûna xaniyên mayînde û zirara ser xwezayê û xaniyên li ser erdên çandiniyê hatine çêkirin, hatin rexnekirin.
Hevseroka Giştî ya ÎHD’ê Oya Ersoy diyar kir ku erdhej dikare were texmînkirin û tevî vê yekê jî tedbîrên hewce nehatine standin û li gel efûyên îmarê avahiyên birîsk hatine rewakirin û got: ‘’Tevî ku bi ser de sê sal derbas bûne jî berpirsiyar nehatine darizandin. Li gel dozên riyalî mutehîd tên darizandin. Li vir berpirsiyariyek heye.’’
Hevserokê Şaxa Hatayê ya ÎHD’ê Mursel Tongûç Salmanoglû jî ev yek anîn ziman: ‘’Heya ku polîtîkayên pêşaniyê didin mafê jiyanê, însan û xwezayê, nekevin meriyetê wê ev binpêkirin bi dawî nebin.’’
Li Mersîn, Edene û Îzmîrê jî daxuyanî hatin dayîn û hate diyarkirin ku tevî erdhej afateke xwezayî ye jî wêranî ji ber polîtîkayên rantê, kontrolnekirinê û bêcatiyê mezin dibe.
ÎHD’ê xwest ku tehliyekirina bi darê zorê ya li qadên konteyneran were sekinandin, xaniyên ewle û mayînde werin çêkirin, astengiyên li pêşiya perwerde û tenduristiyê werin rakirin û aqûbeta bacên erdhejê werin eşkerekirin.
Her wiha komeleyê bang kir ku biryarên dewletîkirina bilêz werin betalkirin, qadên jiyan û çandiniyê werin parastin û ji bo mexdûrên erdhejê mafê hêwirîna ewle û wekhev were misogerkirin.
