Li gorî Ajansa Nûçeyan a Mîzan a girêdayî dadgeha Îranê, danê siharê du girtiyên bi navên Yeiqub Kerîmpûr û Nasir Bekirzade ji aliyê Îranê ve hatine darvekirin.
Nasir Bekirzade yê 26 salî û xelkê Urmiyeya Rojhilatê Kurdistanê ye, ji aliyê Dadgeha Bilind a Îranê ve cezayê darvekirinê lê hatibû birîn.
Nasir Bekirzade berî çend rojan di nameyeke bi deng de tevî redkirina tometan, daxwaza piştgiriyê ji raya giştî û rêxistinên mafên mirovan kiribû û derbarê metirsiya bicihanîna bilez a cezayê xwe de hişyarî dabû.
Yaqub Kerîmpûr jî hemwelatiyê Yarsane û xwedî pêdiviyên taybet bû. Yaqub, di 16’ê Hezîrana 2025’an de ji aliyê hêzên Wezareta Îstixbaratê ya Îranê ve li Miyandabê hatibû binçavkirin. Cezayê Yaqub ê darvekirinê jî ji aliyê Dadgeha Bilind a Îranê ve hatibû erêkirin.
