Di encama lêpirsîna ku ji aliyê Serdozgeriya Komarê ya Bakirkoy ve hatî temamkirin de, îdîaname hate amadekirin û radestî Dadgeha Cezayê Giran a 13’emîn a Bakirkoy hate kirin.
Di îdîanameyê de hate xwestin ku Kaboglû û endamên desteya rêveberiyê bi sûcdariya ‘bi rêya çapemeniyê propagandaya rêxistinê’ û ‘bi rêya çapemeniyê agahiyên şaş belav kirin’ bên darizandin.
Weke hinceta sûcdariyan, hate îdîakirin ku daxuyaniyên bersûcan zirar daye civakê û di medyaya dîjîtal de gihiştiye girseyên berfireh. Her wiha di îdîanameyê de qedexeya siyasî jî hate xwestin.
Dadgeha Cezayê Giran a 13’emîn a Bakirkoy wext da bersûcan ku parastin û îspatên xwe pêşkêş bikin.
Dadgehê diyar kir ku eger destûra darizandinê bê dayîn, wê dosya ji Serdozgeriya Komarê ya Stenbolê re were şandin û darizandin wê li Edliyeya Stenbolê were kirin.
