Kongreya Netewî ya Kurdistan (KNK) bi amadebûna Berpirsa Dîplomasiyê ya KNK’ê Nilûfer Koç, Cîgirê Serokê Konseya Rêveber Hakim Farûq Cemîl û endamên KNK ya Başûrê Kurdistanê îro li bajarê Silêmaniyê civîna xwe ya asayî lidar xist. Di civînê de li ser rewşa siyasî, guhertinên siyasî yên li Kurdistan, Rojhilata Navîn û cihê Kurdan di van guhertinan de hate nîqaşkirin.
Di civîna asayî ya KNK’ê de tekezî li ser wê yekê hat kirin ku pêvajoya niha bêhtir hevrêzî û yekîtîya netewî hewce dike. Ji ber ku guhertinên siyasî û jeopolîtîk yên li herêmê dikarin bandorek rasterast li ser doza Kurd û pêşeroja Kurdistanê bikin.
Di civînê de her wiha li ser rola KNK’ê û çawaniya çêkirina bernameyeke nû ya siyasî û netewî li gorî van guhertin û geşedanan hat nîqaşkirin.
Di dawiya civînê de, beşdaran nêrînên xwe anîn ziman û hate gotin ku KNK dikare roleke girîng di nêzîkirina hêz û partiyên Kurd û xurtkirina dîplomasiya netewî ya Kurd de bileyîze.
