Wezareta Tenduristiyê ya Lubnanê ragihand ku roja Sêşemê jî li ser başûrê Lubnanê û Bekayê bênavber êrîş hatin kirin. Hate ragihandin ku li banliyoyên başûrê Beyrûdê 2 êrîş hatin kirin. Li gorî wezaretê, di encama êrîşan de 55 kesan jiyana xwe ji dest dan, 156 kes jî birîndar bûn.
Wezaretê eşkere nekir ku çend ji qurbaniyan jin û zarok bûn. Rayedarên Lubnanê di daxuyaniyê de cudahiyê naxin navbera sivîl û şervanan.
Li aliyê din Hîzbûllah a Lubnanê roja Çarşemê ragihand ku li hemberî leşkerên Îsraîlê yên hewl dan bikevin nava Lubnanê şer kirin û êrîş birin ser yekîneyên Îsraîlê yên li aliyê din ê sînor.
