Îsraîl piştî agirbesta ji du mehan di 18’ê Adarê de li Şerîda Xezeyê ji nû ve dest bi êrîşê kir. Danûstandinên ji bo dirêjkirina agirbestê bê encam mane.
Piştî xerabûna agirbestê bombardûman û operasyonên bejahî zêde bûn.
Berdevkê Parastina Sivîl Mahmûd Bassal ji AFP’ê re axivî û anî ziman ku ji sibeha Yekşemê û vir ve di êrîşên Îsraîlê de herî kêm 44 kes mirin, ku 21 ji wan li Xan Yûnisê hatin kuştin.
Bassal anî ziman ku yek ji êrîşan li taxa El Tuffahê ya li bajarê Xezeyê hate kirin û diyar kir ku dema komek ji mirovan li nêzî firnekê li hev kom bûn êrîş hate kirin û 6 Fîlîstînî hatin kuştin. Li gorî agahiyan yek ji kesên hatin kuştin zarokekî 3 salî bû.
Di daxuyaniya Hamasê de ku sala 2007’an li Xezeyê bû desthilatdar, li xaka Fîlîstînê ya ku 18 meh in ji aliyê Îsraîlê ve hatiye dorpêçkirin û hilweşandin, ‘Kuştina zarokan a bi zanebûn’ hate şermezarkirin.
Ev şerê hilweşîner piştî êrîşa Hamasê ya 7’ê Cotmeha 2023’an a li ser Xezeyê destpê kir.
