Milîsên Azadiyê yên Kurdistanê (MAK) daxuyaniyek weşand û roja piştevanî û berxwedanê ya karker û kedkaran pîroz kir.
MAK’ê bal kişand ser polîtîkayên civakî, aborî û şer ên dewleta Tirk û diyar kir ku ev polîtîka bi salan e gefê li paşeroja gelên Kurd û Tirk dixwe.
Di daxuyaniyê de hate xwestin ku xwedî li banga dîrokî ya Rêber Apo bê derketin û 1’ê Gulanê bi vî rengî bê pêşwazîkirin.
MAK’ê got, “Em bang dikin ku bi xurtî tevlî eniya demokrasiyê bibin û karên demokratîkkirina Tirkiyeyê û pêkanîna aştiya Kurd-Tirk xurt bikin ku ji aliyê Rêber Apo ve hatiye destpêkirin.”
Di daxuyaniyê de hate ragihandin ku avakirina jiyana azad û demokratîk, pêkanîna aştiya Kurd-Tirk wezîfeya her kesî ye û hate gotin, “Ji bo ked, azadî û demokrasiyê em têkoşîn û berxwedanê mezin bikin.”
