Dadgehê piştî betalkirina 38’emîn Kongreya Bajêr a Asayî a Stenbolê ya CHP’ê, rêveberiya heyî ji kar dûr xist û qeyûm tayîn kir. Tê payîn ku Gursel Tekîn ê serokatiya heyeta qeyîm dike îro di saet 12.10’an de derbasî bînaya serokatiya bajêr bibe.
Vê geşedanê di nava partiyê de rê li ber krîz û nerazîbûnên mezin vekir. Şaxa Ciwanan a CHP’ê piştî daxuyaniya Gursel Tekîn bang li aligirên partiyê kir ku xwedî li Serokatıya Bajêr a Stenbolê derkevin. Serokê Giştî yê CHP’ê Ozgur Ozel jî bi peyama; ‘’xwedî li warê bav û kalan derkevin’’ piştgirî da.
Walîtiya Stenbolê li şeş navçeyan sê rojan qedexeya lidarxistina meş û xwepêşandanan îlan kir. Di saetên şev de tîmên polîsan bînaya bajêr bi barîyeran dorpêç kirin. Parlamenter jî di nav de polîsan destûr neda gelek kesan ku bikevin bînayê. Tevî vê yekê jî hin aligirên partiyê bariyer derbas kirin û xwe gihandin bînayê.
Di saetên sibehê de li derdora bînayê hin bariyerên din hatin bicihkirin. Nêzîkî 60 parlamenter jî tevlî nobeda li pêşiya bînayê bûn.
CHP’yî tevahiya şevê û barana serê sibehê jî li pêşiya bînayê sekinin. Tê ragihandin ku girse wê di nava rojê de zêdetir bibe.
