Banga Aştî û Civaka Demokratîk a Rêber Apo û bûyerên têkildarî mijarê wê bêne şopandin.
Komîsyona Meclîsê wê bi rojeva serdana endamên komîsyonê ya li Îmraliyê bicive.
Hişyar Ozsoy biryara şandina heyetê ji bo Îmraliyê nirxand û ev gav weke “Wê nîqaşên li ser muxatabiyê û rewatiyê bi dawî bike”. Hişyar Ozsoy helwesta CHP’ê jî rexne kir.
Endamê Konseya Rêveber a KCK’ê Mûstafa Karasû biryara komîsyonê ya hevdîtina bi Rêber Apo re weke “gaveke erênî û pêwîst” nirxand û bang kir ku qanûnên derbasbûnê û azadiyê bêne derxistin, pêşî li siyaseta demokratîk bê vekirin.
Berdevka DEM Partiyê Ayşegul Dogan şandina heyeta komîsyonê ji bo Îmraliyê weke “biryareke derengketî” pênase kir û ji bo rêveçûna pêvajoya çareseriyê bal kişand ser asta krîtîk a Rêber Apo ya di pêvajoyê de.
Çalakiyên 25’ê Mijdarê Roja Têkoşînê ya Navneteweyî ya li dijî Tundiya li Jinê wê bêne şopandin.
Koma Jinê ya DEM Partiyê wê li Meclîsê bicive.
Raperîn Mûnzûr anî ziman ku têkoşîna azadiya jinê kir ku jin li zemîna civakî û siyasî bibe xwedî hêz û destnÎşan kir ku bi saya hêza mezin a ku Rêbertî da jinê, jinên Kurd bûn xwedî îrade.
Fermandarê HPG’ê Mûrat Karayilan diyar kir ku Sabrî Tendurek ê ku 28 salan ji Serhedê heta bi BOtanê li gelek qadan wezîfe kir, bi dilsoziya bi welat û doza xwe, bi ked û fermandariya xwe ‘Egîdê demê’ bû ku cihê wî nayê dagirtin.
