Şanogerên Koma Hêviyekda yên di bin sîwana Navenda Çand û Hunera Mexmûrê û Stêra Zêrîn de xebatên xwe dimeşînin bi wesîleya salvegera şehadeta şanoger şehîd Yekta û Roja Şanoya Cîhanê daxuyaniyek nivîskî da. Şanogeran 27’ê Adarê Roja Şanoya Cîhanê li Rêber Apo, şanogeran û hemû kesayetên berxwedêr pîroz kirin û gotin, “Îro roja şahadeta şanogerê binirx, hunermendê civaka berxwedêr Yekta Herekol jî ye. Em jî wek şopdarên şehîd Yekta, dibêjin ew tasa wî ya ku bi wê germahiya dilê xwe bi civaka xwere parve dikir, îro ji me re bûye yek ji bingehê hevrêtiya rast û hunermendiyê.”
Di daxuyaniyê de hat bibîrxistin ku şano yek ji rêbazên hunerî yê heri kevnar û civakî ye û wiha berdewam kir: “Mirovahiyê bi sedsalan bi wî şêweyê hunerî kariye xwe bîne ziman û li beramberî şaşitiyan hizrên xwe bide ifade kirin. Di heman demê de hêla civakî de jî rola şanoyê bi hêze û divê neyê paşguhkirin. Mixabin civakên paşverû ne xwediyê vê hişmendî û hêza şanoyêne. Ji ber kû ji aliyê civaka heyî ve tê çêkirin, hizrên civaka heyî digire dest, mirov dikare di vê hêlê de bide xuya kirin kû Şano hem eynik u hem ji zimanê civaka hêviyê ye. Îro di nava Şoreşa Azadiya gelê Kurd de ne pêkane ku em şanoya xwe pêş neêxin û xurt nekin. Divê ku em nirxê heyî bidin hunerê û hemû hêza xwe ji bo wê seferber bikin.”
Di daxuyaniyê de bal kişan ser zext û zordariya li dijî çand û hunera gelê Kurd û wiha pêde çû: “Di van salên dawî de, sedemên qedexikirina şanoyên Kurdî û binçavkirina şanogerên Kurd ew e ji tirsa hişyarbûna gelê Kurd û daxwaza wan a bi zimanê xwe û bi azadî hunerkirinê tê. Ev tenê hêza şano û şanogeriyê di nava civakê de radixe berçavan. Mînaka hunermendiya rast ya bi civakê re herî berbiçav şehîd Cûma Xelîl ango (Bavê Teyar) e. Ku li kêleka dehan salan şanogeriyê ji bo civaka xwe, xwe kirina mertal ji bo axa welatê xwe û di oxira wê de şehîdbûne. Ev vîna hunermendên me yên şehîd dibe îlhama hunermendiya rast.
Em jî wek endamên Koma Hêviyekda, Navenda Çand û Hunera Mexmûrê û Stêra Zêrîn soza xwe ya berdewamkirina hizr û daxwazên hevrêyên xwe yên şehîd nû dikin. Di heman demê de dibêjin em ê mîna hevrêyên xwe yên şehîd Hogir Bektaş û Mihemed Gabaran li ser şopa Yekta, Hêvî, Mahîr, Sarya, Baran, Daxistan, Zerdeşt û Cûmayan meşa xwe ya hunerê ji bo azadiya civaka xwe berdewam bikin.”
