Duh saetên şevê balafirên şer ên artêşa Tirk a dagirker li gundê Şexlera Jorîn stasyona ava vexwarinê dida Kobanê û gundewarên wê, bombebaran kir. Di encamê de stasyon bi temamî ji xızmetê derket.
Di têkildarî êrîşa li ser stasyona avê Saziya Avê ya Kantona Firatê bi daxiyaniyek êrîş şermezar kir.
Daxuyanî li pêş avahiya Saziya Avê ji aliyê Hevseroka Saziya Avê ya Kantona Firatê Zozan Mehmûd Xelîl ve hat xwendin.
Daxuyanî wiha ye:
“Weke tê zanîn dewleta Tirk a faşîst piştî ketina rejîma Baas`ê êrişên xwe li ser herêmên me hîn kurtir kir û gelek komkujî pêk anîn. Her wiha hemû binesaziyên herêmê hedef girt, ji bo astengiya ji gelên herêmê re çêbike bênavber êrîşên xwe didomîne. Dixwaze bi van êrîşên gel dev ji berxwedanê berde.
Di 2`ê Sibatê 2025`an de stasyona navendî ya ava vexwarinê ya bajarê Kobanê û gundewarên wê bi balafirên şer hedef girtin û bi temamî ji holê rakirin. Di encamê van êrişan de 200 hezar mirov bê av ma. Em van kiryarên dewleta Tirk wek sucên şer dibînin.
Em bang li sazî û dezgehên Mafê Mirovan, Neteweyên Yekbûyî Koalîsyona Navnetewî dikin ku li hemberî van êrîşan erkên xwe yên exlaqî û mirovî bi cih bînin.
Em wek saziya ava vexwarinê ya Kantona Firatê van kiryarên suz ên dewleta Tirk şermazer dikin. Dewleta Tirk û çeteyên wî wê tu carî nikare vîna gelê me bişkêne.”
