Bi sedan kes ji şêniyê Kantona Firatê, endamên sazî û dezgehên dirêdayî Rêveberiya Xweser, emdamên Hêzên Ewlekariya Hundirîn, endamên Trafîkê endamê Hêzên Ewlekariy Hundirîn Ebdurehman Omer di 9’ê Nîsana 2025’an di encama krîza dil de li Kobanê Şehîd bûbû, îro jî li Pakrewangeha Şehîd Dîcle ya li başûrê Kobanê oxir kirin.
Merasîmê bi deqeyeke rêzgirtinê destpê kir. Ji rêveberiya Polîsên Trafîkê yên Kantona Firatê Emîra Ehmed sersaxî ji malbata şehîdan re xweset û soza şopandina rêya şehîdan da.
Emîra Ehmed diyar kir ku ew çiqasî behsa şehîdan bikin ew nikarin heqê keda wan bidinê û wiha pê de çû: “Şehîd Ebdurehman li Efrînê kar kir. Wî tu carî berxwedana xwe ranewestand û dema hate Kobanê dîsa li vir jî meşand. Şehîd Ebdurehman kêlî bi kêlî di nava berxwedan û têkoşînê de bû.”
Endamê Komîteya Perwerdê ya Akademiya Şehîd Emgîhan Cûdî ya Kantona Firatê Ehmed Mûsa jî got: “Em ê heta dawiyê şopdarê şehîdên xwe bin û em ê xwîna şehîdên xwe li erdê nehêlin.”
Piştre wesîqeya şehadetê hate xwendin û radestî malbatê hate kirin.
Cenazeyê şehîd bi dirûşma “Şehîd Namirin” hate veşartin.
