Bafil Talabanî daxwaza aştî, aramî û bextewarî ji hemû gelên Kurdistanê re kir û wiha domand: “Newroz sembola jinûve zayîna Kurdan, hatina biharê û ruhê xwîşk û biratiyê ye. Di heman demê de temsiliyeta yekîtî, yekrêzî û biryardariya berxwedanê ya gelê me dike.”
Serokê YNK’ê bal kişand ser geşbûna bajarê Kerkûkê ku yek ji bajarên pîroz ên Kurdistanê ye û wiha pê de çû: “Gelê Kurd jiyaneke bi rûmet heq kiriye. Divê em mil bi mil ji bo rûmeta Kurdistanê û parastina mafên gelê xwe bixebitin.”
Bafil Talabanî destnîşan kir ku divê Newroz bibe firsend naskirin û piştgirîkirina mafên Kurdan û peyama, “Bila ev cejn bibe wesîleya serketina gelê me. Newroza we pîroz be, her tim bi xweşî û serfirazî bimînin” da.
