Meşa bi pêşengiya Baroyê, heta ber Mînareya Çar Ling dewam kir, ku Elçî li wir hate kuştin.
Serokê Yekîtiya Baroyên Tirkiyeyê (TBB) Erînç Sagkan, serokên gelek baroyan, hiqûqnas, nûnerên partiyên siyasî û civaka sivîl beşdarî bîranînê bûn. Beşdaran pankarta bi nivîsa “Em ê te ji bîr nekin” hildan û wêneyê Elçî bi sînga xwe ve kirin.
Li ber Mînareya Çar Ling daxuyaniyek hate dayin û hate ragihandin ku Elçî di têkoşîna li dijî polîtîkaya bêcezahiştinê de sembolek bû.
Serokê Baroya Amedê Abdulkadîr Guleç anî ziman ku Elçî di encama ‘sûîqesta siyasî’ de hate kuştin û got, darizandina ku 10 sal in dewam dike, bersivê nade bendewariya ji edaletê.
Guleç diyar kir ku gotina ‘Em şer naxwazin, em aştiyê dixwazin’ a Elçî hîn jî rê nîşanî wan dide.
Serokê TBB’ê Erînç Sagkan jî ragihand ku lêgerîna li edaletê 10 sal in dewam dike û got, “Me bêcezahiştin qebûl nekir, em ê qebûl nekin.”
Sagkan bi dewamî got, “Em ê têkoşîna wî ji cihê ku maye dewam bikin.”
Kekê Tahîr Elçî Ahmet Elçî jî got, birayê wî hem dewlet hem jî PKK nas dikir, ji ber vê jî banga aştî bû hedef.
Bîranîn piştî ku qurnefîl li ber Mînareya Çar Ling hate danîn, bi dawî bû. Elçî wê di nava rojê de li ser gora xwe jî bê bîranîn.
