Çalakiya Çîrok û Helbestan a Huseyîn Çelebî ku ji sala 1991’ê û vir ve bi rengekî kevneşop tê lidarxistin, îsal cara 31’emîn li paytexta Elmanya Berlînê di 12’ê Cotmehê de pêk hat.
Çalakiya ku ji aliyê Jinên Xwendekar ên Kurdistanê (JXK) ve hate lidarxistin, li gel Rotînda, Hozan Comerd, Hozan Aydin, Talat Yeşîl gelek hunermend, nivîskar, helbestvan û wêjehez tevlî bûn.
Piştî deqeyeke rêzgirtinê ya ji bo bîranîna Şehîdên Azadiyê yên Kurdistanê çalakiyê destpê kir û sînevîzyonek li ser jiyan û têkoşîna Şehîd Huseyîn Çelebî hate nîşandan.
Bi navê Komîteya Amadekar a Çalakiya Wêjeyî ya Huseyîn Çelebî axaftin hate kirin û hate gotin, “JXK ku Komîteya Amadekar a Festîvala Wêjeyê ya Huseyîn Çelebî ye, Xwendekarên Berlînê û civaka Kurd a li Berlînê we hemû dostên xwe silav dikin.”
Li dû axaftina destpêkê, bîranînên Bîlgîn Kiliç ên bi Huseyîn Çelebî re ku yek ji dostên Şehîd Huseyîn Çelebî bû hatin xwendin.
Piştre bi navê Meclîsa Jinên Êzidî ya Berlînê Nûrê Alkiş axivî. Nûrê Alkiş ji Berlînê berxwedana Şengalê silav kir û helbesta ‘Ferman e dayê’ ya Lava Şengalî xwend.
Piştre şanoya li ser jiyana hunermendê şanoyê Yekta Hêvî hate lîstin.
Li dû nîşandana şanoyê axaftvanekî ji Belûcistanê li ser rewşa gelê xwe axivî û bal kişand ser girîngiya mezinkirina têkoşîna enternayonalîst.
Hunermend Rotînda, Hozan Comerd, Talat Yeşîl, Sheyda Ghavami û Hozan Aydin jî bi stranên xwe tevlî çalakiyê bûn.
Xelatên di beşa çîrok û helbestan de hatin dayin bi vî rengî ne:
Helbesta bi Kurmancî:
1. Mahmut Aba – Pevgihana Winda
2. Milân Eyûb – Hewirzeya Şîn
3. Welat Xerîb – Asta Azadiyê
Çîroka bi Kurmancî:
1. Leyla Saraç – Loqman
2. Eyüp Tungay – Galegalên Berberojkan
3. Ahmet Çelik – Rojîn
Helbest û çîroka bi Soranî:
1. Paria Fatahi Mokri – Parya
2. Dimen Fathi – Ecologist and Politics of the Women’s Movement in Rojhelat
3. Rebwar Karami – Civilian Movement in Rojhelat
Çîroka bi Elmanî:
1. Lukas – Ein Freund Kommt Zurück
2. Helin Kurt – In Der Notaufnahme
3. Îlhamî Akter – Das Trauma Des Kriegsveteranen
Helbesta bi Elmanî:
1. Eylem Kahraman – Süßholzwurzgeschmack
2. Nasil Kabacam – Istanbul
3. Eren Candemir – Berxwedan – Evin & Hevgirtin
Helbesta bi Tirkî:
1. Gulan Botan – Suriye
2. Zeynep Nergiz – Axin Ah’si
3. Salih Erol – Mendil
Çîroka bi Tirkî:
Botan Bahoz: Uçurum
Hüseyin Kuzucan: Ben icat ettim
Helbesta bi Farsî:
1. Metin Hashemi – Civilian Young’s Movement in Rojhelat
