Yekîtiya Jinên Kurd ên Elmanya (YJK-E) derbarê nivîsa bi sernavê “Hûnandina şaş bê çawa cîhanê diguherîne” a ku di kovara Der Spiegel de hatiye weşandin de daxuyaniyek nivîskî da. Di daxuyaniyê nivîs bi tundî şermezar kir û diyar kir ku ew mînakek eşkere ya şerê îdeolojîk ê li dijî jinan tê meşandin e.
Di daxuyaniyê de hat diyarkirin ku ev nivîs hewldanek e ji bo ku komkujiyên jinan neyên dîtin û tundiya mêran asayî bike û wiha hat gotin: “Der Spiegel bi vê nivîsê trawmaya kolektîf a ku jinan jiyaye ji lêpirsînê re vedike, gotinên mêrê sûcdar esas digire û bîra jinan krîmînalîze dike. Ev ne bêalîbûn e, parastina îdeolojîk a tundiya serdest a mêran e. Hêrsa me ne li ser vîdyoyê ye. Hêrsa me li ser vê zîhniyetê ye ku komkujiyên jinan înkar dike. Hêrsa me li ser vê zimanê ye ku hovîtiya DAÎŞ’ê bê dîrok dike û berxwedana jinan bêrûmet dike.
Em careke din dibêjin: Berxwedana jinan bi înkar, tinaz an jî dek û dolabên medyayê nayê têkbirin.
Divê Der Spiegel tavilê dev ji vê xeta weşanê ya ku jiyan û berxwedana jinan berovajî dike berde. Rojnamevanî ne ew e ku propagandaya li dijî têkoşîna azadîxwaziya jinan were kirine.”
