Yekîneyên Parastina Cewherî (YPC) bi daxuyaniyeke nivîskî got, “Yekîneyên me li dijî hêzên mêtinger ên ku destketiyên gelê me hedef digirin û êrîşên giran li hemberî sivîlan pêk tînin, çalakiyên bibandor lidarxistin.”
Di daxuyaniyê de ev agahî hatin dayîn, “Yekîneyên me yên ku ji bo parastina vîna gelê me biryardariya xwe didomînin, êvara 19’ê Sibatê li dijî dagirkeran çalakiyên serketî pêk anîn. Yekîneyên me li navçeya Tûşbayê ya Wanê li hemberî wesayîtên zirxî yên hewl didan bikevin taxên ku gel lê qelebalixin, çalakî kirine û wesayît bêbandor kirine.”
YPC’ê, diyar kir ku di heman şevê de mudaxeleyî TOMA’yên ku ber bi qadên barîqatê yên li Taxa Xaçort a Wanê ve diçin kirine, li wesayîtên zirxî xistine û “nehiştine dijmin pêş ve biçe.”
YPC’ê, got, “Divê hêzên dagirker bizanibin ku her gaveke hewl bide vîna gelê me binpê bike, wê rastî bersiva herî dijwar bê.”
