Daxuyaniya Koordînasyona Yekîtiya Ragihandina Demokratîk bi vî rengî ye:
“Em bi xemgîniyeke mezin pê hesiyan ku kedkarê çapemeniya azad Şukru Çatalbaş ji ber nexweşiyê li nexweşxaneya ku lê dihate dermannkirin şehîd bû. Bila rehma Xwedê lê be û serê malbatê, gelê me yê welatparêz û xebatkarên Çapemeniya Azad sax be.
Hevalê me Şukru ku li nava karên Çapemeniya Azad salên dûr û dirêj erk û berpirsyariyên cuda bi cih anî, ji bo agahiya rast bigihêje gelê me ked û hewldaneke mezin da.
Hevalê me Şukru li hemberî polîtîkayên zextê yên li ser Çapemeniya Azad ji bo kêliyekê jî nesekinî, dudil nebû û bû şopdarekî bi biryar ê armanc û xeta Çapemeniya Azad ku ji aliyê Mazlûm Dogan û Gûrbetellî Ersozan ve hate danîn. Bi bicihanîna wezîfe û berpirsyariyên xwe, bi kesayetî û sekna xwe hewl da ku pêwîstiyên welatparêziya Kurdistanê bixe meriyetê.
Bi vê wesîleyê em careke din ji malbat û hevrêyên wî, ji gelê Kurdistanê yê welatparêz re sersaxiyê dixwazin. Em ê di têkoşîna xwe de xwedî li bîranîn û armancên wî derkevin.”
