Bi sedan şêniyên kantona Tebqayê, nûnerên Rêveberiya Xweseriya Demokratîk, deste û meclîsên girêdayî wê, Partiya Sûriya Pêşerojê, Meclîsa Kombûna Jinan a Zenûbya û Meclîsa Leşkerî ya Tebqayê cenazeyê şehîd Mihemed Ebûd El Mistefa yê li kantona Tebqayê 18`ê Mijdarê şehîd bûbû, spartin axê.
Di merasîma li goristana şehîdan a Tebqayê li dar ket de, hevseroka Desteya Hundirîn a kantona Tebqayê Mune El Ehmed axivî û got: “Em li ser vê axa pîroz bi şehîdê xwe serbilind û serfiraz in. Em soz didin şehîdan ku li ser rêya wan bin û rêya fedakariyê bidomînin.”
Hevserokê Meclîsa Rêveber a Rêveberiya Xweseriya Demokratîk a kantona Tebqayê Ehmed El Omer got: “Em dizanin ku şehîd gihaştiye pileya herî bilind ku her mirovek li ser vê erdê hêvî dike bigihêje wê.”
El Omer destnîşan kir ku projeya netewa demokratîk bûye nimûne û mînak û bi saya fedakariyên şehîdan ev proje hate avakirin.
Di dawiya merasîmê de belgenameya şehîd ji aliyê hevseroka Desteya Malbatên Şehîdan, Dîlgirtiyan û Gaziyan a kantona Tebqayê Foza El Mihemed ve hate xwendin û radestî malbatê hate kirin. Piştre girseyê cenazeyê şehîd sparte axê.
