Şaredariya Mûşê ji bo başkirina aboriya kedkarên şaredariyê gaveke girîng avêt. Şaredariya DEM Partiyê li ser zêdekirina mûçeyên karmendan bi Sendîkaya Karkeran a Xizmeta Giştî (GENEL ÎŞ) ya girêdayî Konfederasyona Sendîkayên Karkerên Şoreşger (DÎSK) a şaxa Mûşê re hevpeyman îmze kir.
Her wiha mafên civakî yên karkeran hatin baştirkirin. Bi mûçeya ku di Hezîranê de hat zêdekirin re di nava 6 mehan de mêçeyên karmendan bi tevahî ji sedî 110 hate zêdekirin.
Hevşaredar Sirri Soylemez bi Nûnerê Herêmê yê GENEL-ÎŞ’ê ya DÎSK’ê Sadik Demîr û Serokê GENEL-ÎŞ’ê ya DÎSK’ê ya Mûşê Erol Yildiz re hevpeyman îmze kirin û piştre bi hev re govend gerandin.
