Dayikên /Mirovên Şemiyê ji bo aqûbeta xizmên xwe yên di bin çavan de hatine windakirin û qetilkirin û ji bo darizandina faîlan, her hefteyê li Qada Galatasarayê tên ba hev. Dayikên /Mirovên Şemiyê çalakiya 1036’an lidar xist. Di çalakiya vê hefteyê de aqûbeta Bedirhan Tuysuz hate pirsîn ku di sala 1979’an de li gundê Kilicin ê girêdayî Curnê Reş a Rihayê hate revandin.
Nûnerê Weqfa Mafên Mirovan a Tirkiyeyê (TÎHV) ê Stenbolê Umît Efe daxuyaniya ji çapemeniyê re xwend.
Efe ev tişt got: “Bi sedan zelamên bi çek ên Hakki Bucak ê ji eşîra Bucak, bi ser gund de girtin. Hevjîna Bedirhan Tuysuz û kurê wî yê 13 salî, dîl girtin û ev peyam ji Bedirhan Tuysuz re şandin: ‘Malbata te di destê me ye, were em baxivin’. Li ser vê yekê Bedirhan Tuysuz hate cihê bûyerê, lê ew bi zorê li wesayîtê siwar kirin û revandin.”
