Li gor daxuyaniya Serokwezîriyê, Serokwezîrê Îsraîlê Binyamin Netanyahu û Serokê DYE’yê Donald Trump, roja şemiyê bi nûnerê Rojhilata Navîn Steve Witkoff re hatine ba hev û biryar dane ku hevdîtin roja duşemê li Washintonê destpê bikin.
Di daxuyaniyê de hat diyarkirin ku rayedarê Emerîkî piştre bi Serokwezîrê Katarê û rayedarên payebilind ên Misirî re jî hevdîtinan bike.
Binyamin Netanyahu dê roja duşemê biçe Washingtonê û piştî serdema nû ya rêveberiyê dê bibe yekem serokê ku bi Trump re hevdîtinê dike.
Tê plankirin ku di merhaleya yekemîn a agirbesta 6 hefteyî de ku di 19’ê Çileyê de destpê kiribû, 1900 Filistîniyên ku di destê Îsraîlê de ne û 33 Îsraîliyên li Xezeyê dîl hatine girtin bên berdan.
Hedefa merhaleya duyemîn jî ew e ku rehîneyên dawî jî bên berdan û şer bi temamî bê xilaskirin.
Merhaleya sêyemîn jî ew e ku şert û mercên jinûveavakirina Xezeyê bê dabînkirin û ji bo xaka Filistîna biçûk modela rêveberiyê bê diyarkirin.
