Li wesayiteke TEDAŞ’ê de di lêgerînê de, di bagajê de 44 kîlo madeyên narkotîkê hate dîtin. Munîr Kaya piştî ku bi narkotîkê hate girtin, hate binçavkirin û ji aliyê dadgehê ve hate girtin û ew xistin girtîgehê. Eşkere bû ku Kaya beriya niha bi gotina ‘elektrîkê bi qaçaxî bi kar tînin’ giliyê bi hezaran mirovî kiribû û ji aliyê madî ve gel mexdûr kiribû.
ŞIRÎKÊ SEROKÊ NAVÇEYÊ YÊ AKP’Ê YE
Kaya rojek beriya ku bi madeyê narkotîkê bê girtin, serdana mala şirîkê xwe Serokê AKP’ê yê Navçeyê Sercan Bayer kir û bi hev re fitara xwe kir. Di dema fitarê de têkiliyeke xurt di navbera herdu kesan de hate nîşandan. Serokê Navçeyê yê AKP’ê Sercan Bayer li ser hesabê xwe yê medya dîjîtal de ji bo vê serdanê peyameke bi vî rengî weşand: “Bi wesîleya meha Remezanê li navenda Elbakê me serdana malan kir. Silavên Serokkomarê xwe ragihand, li daxwazên wan guhdarî kirin û peyamên ji bo xurtkirina yekîtî û hevgirtinê dan.”
Bayer di heman parvekirinê de wêneyên bi Mûnîr Kaya re kişandibû jî parve kir û destnîşan kir ku têkiliyên siyasî xurt e.
