Endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan û Sirri Sureyya Onder piştî banga dîrokî ya Rêber Apo li Kulliyeya Serokkomariyê bi Serokê Giştî yê AKP’ê û Serokkomar Tayyîp Erdogan re hevdîtin kirin. Hevdîtin, nêzî saetek û 25 deqeyan domiya. Alîkarê Serokê Giştî yê AKP’ê Efkan Ala û Serokê MÎT’ê Îbrahîm Kalin jî beşdarî hevdîtinê bûn.
Onder piştî hevdîtinê daxuyaniyeke kin da û got: “Hevdîtineke pir erênî bû. Hêviya me niha mezintir e. Di vê mijarê de cihê birêz serokomar lê disekine gelek girîng e. Em dixwazin aştiyê pêk bînin.”
Pervîn Buldan jî got: “Hevdîtineke gelek baş bû. Pêvajo baş pêş dikeve.”
Tê payîn ku di saetên pêş de DEM Partî têkildarî hevdîtinê daxuyaniyeke nivîskî bide.
