Nexweşxaneya Florence Nightingale li ser rewşa tenduristiyê ya Endamê Heyeta Îmraliyê ya DEM Partiyê û Serokwekîlê Meclîsê Sirri Sureyya Onder daxuyaniyek da. Di daxuyaniyê de hate ragihandin ku metirsiya li ser jiyana Onder hîn jî dewam dike.
Endamê Heyeta Îmraliyê ya Partiya Demokrasî û Wekheviyê ya Gelan (DEM Partî) û Serokwekîlê Meclîsê Sirri Sureyya Onder roja 15’e Nîsanê saet di 23:00 de li Stenbolê ji dil nexweş ketibû.
Onder ku bi ambûlansê rakirin Nexweşxaneya Florence Nightingale, rehê wî yê aort ê bingehîn seranserî çiribabû û bi lez hate emeliyatkirin.
Di daxuyaniya nexweşxaneyê de hate gotin, “Piştî emeliyata ku nêzî 12 saetan dewam kir, nexweşê me Birêz Onder bi ECMO’yê (Cîhaza ku ji herikîna xwînê re dibe alîkar) li Beşa Çavdêriya Awarte ya Nexweşxaneya me hate bicihkirin.
Metirsiya li ser jiyana wî hîn jî dewam dike.”
