Heyeta Partiya Demokrasî û Wekheviyê ya Gelan (DEM Partî), Kongreya Demokratîk a Gelan (HDK) û Partiya Herêmên Demokratîk (DBP) li Hewlêrê di çarçoveya serdanên xwe de û nirxandina peyama sedsalê ya Rêber Apo ya ‘Aştî û Civaka Demokratîk’ de, li gel Yekgirtûya Îslamiya Kurdistanê civiya.
Heyet ji Hevberdevka HDK’ê Meral Daniş Beştaş, Endamê me yê Desteya Rêveberiya Navendî Serhat Eren, Hevberdevkê Komîsyona Dîplomasiyê ya DBP’ê Mûrat Sarisaç, Parlamentera me Salîha Aydenîz, Hevberdevkê me yê Meclîsa Ciwanan Rezan Kaganarslan û Nûnerê me yê li Hewlêrê Mûrat Şen li Hewlêrê pêk tên.
Di serdanê de her du aliyan işaret bi giringiya bicihanîna peyama sedsalê ya Rêber Apo û azadiya wî ya fîzîkî kirin.
Di serdanê de berpirsên Yekgirtûya Îslamî dan zanîn ku divê pirsgirêka Kurd li Bakur bi rêya giftûgoyê çareser bibe û ji bo pêşxistina pêvajoyê jî gotin ku azadiya fîzîkî ya Rêber Apo gelek giringe.
Ev sê roj in şandeya Partiya Wekhevî û Demokratîk a Gelan (DEM Partî), Kongreya Demokratîk a Gelan (HDK) û Partiya Herêmên Demokratîk (DBP) li Hewlêrê di çarçoveya serdanên xwe de û nirxandina peyama sedsalê ya Rêber Apo ya ‘Aştî û Civaka Demokratîk’ bi rewşenbîr, siyasetmedar, çalakvanên Hewlêrê re civînên berfireh lidar dixin.
Berî niha jî şande li Silêmaniyê bi gelek aliyan re civiya bû.
