Li parêzgehên Besra û Mîsanê yên li başûrê Iraqê roja Pêncşemê gihîşt 49 dereceyan û li herêma Zîqarê jî gihîşt 48 dereceyan. Hate ragihandin ku germahiya herî bilind a sala 2025’an hat tomarkirin.
Li akademiyeke leşkerî ya li Ziqarê, du xwendekarên zanîngehê ji ber germê û kêmbûna avê jiyana xwe ji dest dan, çend xwendekarên din jî rakirin nexweşxaneyê. Bûyer roja Yekşemê qewimî û rayedaran demek dirêj hiştina xwendekaran a di bin tavê de wekî “muameleya xirab” bi nav kirin.
Bi salan e ji ber baran kêm dibare, bilindbûna germahiyê û kêmbûna avê li seranserê welêt jiyana 46 milyon kesan dijwartir dike.
Rayedar destnîşan dikin ku li welatên mîna Iraqê ku binesaziya wan li hember bandorên guherîna avhewayê nebaş e, xetere zêde dibin.
Her çiqasî sala 2024’an hem ji bo erdê û hem jî ji bo okyanûsan sala herî germ bû jî, tê payîn ku germayî wê sala 2025’an zêdetir be.
