Bombebarana Îsraîlê ya li ser Xezeyê dewam dike. Parastina Sivîl, ragihand ku di êrîşa li ser dibistana Fahmî el-Jarjavî ya li bajarê Xezeyê de herî kêm 33 kes hatine kuştin û bi dehan kesên din ku piraniya wan zarok û jin in, birîndar bûne.
Artêşa Îsraîlî, ragihand ku wan navendeke fermandariyê ya Hamas û Cîhada Îslamî hedef girtine û got, “Me terorîstên pêşeng hedef girtine.”
Parastina Sivîl, da xuyakirin ku li Cibaliye di encama bombebarana li ser malekê de 19 kesan jiyana xwe ji dest dan û her wiha got di encama êrîşên roja Yekşemê de jî jinek ducanî û zarok jî di nav de 22 kes hatibûn kuştin.
Îsraîl di nîvê meha Adarê de dîsa dest bi êrîşa li dijî Xezeyê kir û agirbesta du mehan bi dawî kir. Îsraîl ji 17’ê Gulanê û vir ve êrîşên xwe zêde kirine. Hinceta van operasyonan, tasfiyekirina Hamasê, rizgarkirina dîlgirtiyan û kontrolkirina Xezeyê bû.
Êrîşên Îsraîl ên li ser Xezeyê bi dorpêçeke giran re rû bi rû ye. Li herêmê kêmbûna erzaq, av, sotemenî û derman her ku diçe zehmettir dibe. Alîkariyên ku destûr tê dayîn ku bikevin herêmê kêm in.
Ev rewş rê li ber nerazîbûna civakên navneteweyî vedike. Yekîtiya Ewropayê, ragihand ku divê peymana hevkariyê ya bi Îsraîlê re ji ber çavan re derbas bibe.
