Hevberdevkên Komîsyona Karên Derve yên DEM Partiyê Ebrû Gunay û Berdan Ozturk di daxuyaniya nivîskî de diyarkirin ku êrîşên Îsraîlê di demeke ku muzakereyên nukleerî yên bi Îranê re didomin de pêk û ev yek hewldanên çareseriyê dixe zehmetiyê û qadên pevçûnên nû dafirîne.
Di daxuyaniyê de hat destnîşankirin ku ji ber êrîşên Îsraîlê sivîl zirarê dibînin û mîna li Xezeyê qanûnên navneteweyî nas nake. Di daxuyaniyê de hat gotin ku hikûmeta Netanyahu ji berpirsiyariyê direve.
Di daxuyaniyê de hat destnîşankirin ku hedefgirtina tesîsên nukleerî yên çalak li Îranê rê li ber karesatek mezin a jîngehê vedike û hat bibîrxistin ku êrîşên bi vî rengî ne tenê gelê Îranê, di heman demê de gelên welatên cîran jî dixe xetereyê û wiha domand: “Îsraîl bi van êrîşên ku pişta xwe dispêre dûrbûna erdnîgariyê bêberpirsyartiya wê nîşan dide.”
DEM Partî bang li hikûmetên DYE û Îsraîlê kir ku demildest dawî li van êrîşên ku sivîlan dixin xetereyê bînin û muzakereyên dîplomatîk ên bi Îranê re bidomînin.
