Beriya bi deh rojan ji bo piştgiriya bi êrîşa Îsraîlê re Dewletên Yekbûyî yên Emerîkayê (DYE) bombe li navendên nukleerî yên li Fordow, Natanz û Îspahanê yên Îranê barand, lê ji hingî ve li ser bandora vê êrîşê rewş hîn nediyar e. Donald Trump dubare dike ku bernameya nukleerî ya Tehranê “hatiye tinekirin” yan jî “bi dehan salan” hatiye taloqkirin.
Berdevkê Pentagonê Sean arnell got, “Li gorî nirxandinên servîsên îstîxbaratê yên Wezareta Parastinê, me bernameya wan herî kêm salek heta du salan dereng xist.”
Parnell got, “Em texmîn dikin ku bi qasî du salan hatiye derengxistin.”
Dîrektorê Giştî yê Ajansa Enerjiya Atomê ya Navneteweyî (UAEA) Rafael Grossi ji bo aqûbeta stokên ûranyûma dewlemendkirî hîn bibe, xwest serdana tesîsên nukleerî yên hatine bombekirin, bike. Lê belê Îranê ev daxwaz red kir.
Rafael Grossi diyar kir ku Îran xwedî wê kapasîteya teknîkî ye ku di nava ‘çend mehan’ de dikare careke din dest bi dewlemendkirina ûranyûmê bike.
