Roja Înê piştî saet 10’ê sibê, avahiyek li navçeya Lyari ya bajarê Karaçî yê Pakistanê hilweşiya û di encamê de 27 kes mirin. Lyarî herêmeke ku berê bi tundûtûjiya çeteyan dihat nasîn.
Berdevkê tîmê rizgarkirinê Hasan Han ê ji AFP’ê re axivî, got ku piraniya kavil hatine rakirin.
Rayedaran gotin ku ji bo valakirina avahiyê di navbera salên 2022 û 2024’an de hişyarî hatine kirin. Lê niştecihan jî berovajî diyar kirin ku ew vê hişyariyê negirtine.
Beriya hilweşînê, di avahiyê de dengên şikestinê ji aliyê niştecihan ve hatin bihîstin.
Bûyerên bi vî rengî li Pakistanê ji ber kalîteya avakirinê ya nebaş û tedbîrên ewlehiyê yên qels pir in.
Karaçî, ku nifûsa wê 20 mîlyon e, bi avahiyên xwe yên nebaş, xebatên berfirehkirinê yên neqanûnî, binesaziya kevn, nifûsa zêde û çavdêriya nebaş tê nasîn.
