Li gorî daxuyaniya SOHR’ê hêzên ewlehiyê yên girêdayî wezaretên parastinê û karên hundir ên hikûmeta demkî bi ser xaniyek mêvanan a malbata Radwan de girtin û sivîlên di hundir de qetil kirin.
Di daxuyaniyê de wiha hate gotin: “Hêzên ji Wezareta Parastinê û Wezareta Karên Hundir li bajarê Swêdayê êrîşî mêvanxaneya malbata Radwan kirin û 12 sivîl qetil kirin.”
Di wêneyên li ser medyaya dîjîtal ên ku hîn nehatine piştrastkirin de cenazeyên herî kêm 10 sivîlên di nava gola xwînê de li erdê dirêjkirî ne xuya dikin. Her wiha wêneyên rêberê olî yê Durzî û tiştên şikestî yên li dora cihê bûyerê belavbûyî jî di wêneyan de xuya dikin.
Li gorî SOHR’ê di pevçûnên dawî de 48 ji wan şervanên Durzî û 52 ji hêzên girêdayî hikûmeta demkî, herî kêm 116 kes hatine mirine.
