Navenda Ragihandin û Çapemeniyê ya Hêzên Ewlekariya Hundirîn li ser malpera xwe ya fermî daxuyaniyek da û ragihand ku li dijî nuqteya kontorlê ya li gundê Sewa yê rojavayê Dêrazorê êrîşek çêbûye.
Navendê di daxuyaniya xwe de ev agahî parve kirin: “Îro saet di 14:00’an de, çeteyên şaneyeke terorîst bi motosîklêtê êrîşeke xapînok li dijî endamekî hêzên me li nuqteya kontrolê ya gundê Sewa li gundewarê rojavayê Dêrezorê pêk anîn. Çeteyan damance bi kar anîne, di encamê de endamê me bi 4 guleyan birîndar bû.
Ew yekser ji bo dermankirinê rakirin nexweşxaneyê û rewşa tenduristiya wî di bin çavdêriyê de ye.
Hêzên me niha ji bo şopandina sûcdaran û radestkirina wan ji dadgehê re dixebitin. Em vê êrîşa tirsonek bi tundî şermezar dikin. Em careke din dubare dikin ku em di biryardariya xwe ya ji bo cîbicîkirina erkê xwe yê neteweyî û misogerkirina ewlehî û aramiya herêmê de bi israr in. Êrîşên bi vî rengî nikarin me ji berdewamkirina erkê me bigirin.”
