Rêxistina Komeleya Mafê Mirovan a Kurdistanê bi daxuyaniyekê derbarê 2 jîngehparêzên Kurd ên li Sine birîndarbûyîn de agahiyan belav kir.
Hate diyarkirin ku 2 jîngehparêzên bi navê Çiyako Yusid Nejad û Xebat Emînî yên xelkê bajarê Sine ya Rojhilatê Kurdistanê, dema hewl didan agirê li bilindahiyên çiyayê Avyer kontrol bikin birîndar bibûn.
Rêxistinê da zanîn ku her du jîngehparêz piştî sê rojan li nexweşxaneyê hatin dermankirin, ji ber rêjeya zêde ya şewatê îro jiyana xwe ji dest dan.
Hêjayî gotinêye ku roja 24’ê Tîrmehê şewatek berfireh li Çiyayê Awyer yê li sînorê bajarê Sine ya Rojhilatê Kurdistanê derket. Rêveberê Komeleya Jîngehparêziyê ya Şine Nujîn ya Kurdistanê Hemîd Muradî û çar jîngehparêzên din ên bi navên Muhsîn Huseyîn Penahî, Xebat Emînî, Çiyako Yusif Nejad û Mustafa Hejar dema hewl dan şewata li bilindahiya çiyayê Awyer vemirînin, birîndar bûn. Piştî jîngehparêzên birîndar rakirin nexweşxaneya Kûser ya li Sineyê, Hemîd Muradî sibeha roja 25’ê mehê ji ber birînên xwe yên giran jiyana xwe ji dest da.
