Daxuyaniya Navenda Ragihandinê ya YRK’ê ya têkildarî şehîdên HPJ’ê bi vî rengî ye:
‘’Wekî ku raya giştî û gelê me jî dizane di dîroka tevgera me de meha Tîrmehê cihekî xwe yê pir giranbûha heye. Di nava vê mehê de her roj bi berxwedaniya ku hatiye raberkirin wek tevger û gel em bûne xwedî gelek deskeftiyên mezin. Di vê mehê de bi taybet li gel berxwedaniya 14’ê Tîrmehê ya zindana Amedê LI Kurdistanê ruhekî cuda ku her roj li ser wî rih û baweriyê tekoşîn hîn mezintir dibe û dibe malê hemî mirovahiyê hatiye avakirin. Rêhevalên me Arîn û Tolhildan jî li ser vî rih û baweriyê bi jiyan û tekoşîna xwe heta dawiyê di nava hewldana wê yekê de bûn ku wî rihî di kesayeta xwe de bê navber bidin jiyankirin û domandin.
Rêheval Arîn û Tolhildan bi jiyan û tekoşîna xwe bê navber ji roja ku tevgera me nas kirin bi moral û heyecaneke pir mezin tevlî bûn û bi jiyana xwe ya bênimûne bûn nimûneya kesayeta Apoyî. Li ser hîmê fikr û ramanên Rêber Apo bê navber xwe perwerde û zana kirin. Bi tevlîbûnekr pir bihêz, xwe beşdar kirin û bûn nimûneya bêdawî ya milîtantiya Rêber Apo li Kurdistanê daye avakirin.
Di serî de malbatên hêja yên hevrêyên me yên şehîd, em sersaxiyê ji tevahiya gelê Kurdistanê re dixwazin û soza pêkanîna xeyalên wan careke din dubare dikin.
Agahiyên li ser nasnameya hevrêyên me yên şehîd bûne, bi vî rengî ne:
Nasnav: Arîn Qoser
Nav û Paşnav: Zîlan Esen
Cihê ji dayikbûnê: Qoser
Dayîk-Bav: Zûbeyde-Osman
Dem û Cihê Şehadetê: 2024-Asos
**
Nasnav: Tolhildan Nûman
Nav û Paşnav: Kanî Talireng
Cihê ji dayikbûnê: Merîwan
Dayîk-Bav: Sîrwe-Eta
Dem û Cihê Şehadetê: 2024-Asos
**
ARÎN QOSER
Zîlan Esen bi nasnav Arîn Qoser di sala 2001’an de li Qosera Mêrdîna Bakûrê Kurdistanê, di nava malbateke welatparêz de çavê xwe li dinyayê vedike. Di temenê xwe yê ciwantiyê de ew jî mîna her zarokeke Kurdistanê dest bi lêgerîna jiyanê dike. Bi tevlîbûna ku ji herêma wan çêdibe tevgera azadiyê nas dike. Di dema êrîşên çeteyên DAÎŞ’ê yên li ser bajarê Kobanê de naskirina xwe hîn zêdetir dibe û di temenekî pir ciwan de di sala 2015’an de biryara beşdarbûna nava refên gerîlayan digire.
Bi tevlîbûna xwe re pir kêfxweş dibe ku di temenekî pir ciwan de kariye beşdarî nava tevgera azadiyê bibe û di heman demê de di nava tevgera azadiyê de mezin dibe. Bi beşdarûna xwe re fêrî alfabeya jiyanê dibe. Di nava Tevgera Azadiyê de bi naskirina xwe ya ji gelek hevalên ku şehîd dikevin bi hevaltiya ku bi hev re di nava jiyana gerîla de jiyan dike re bandoreke pir mezin li ser tevlîbûna hevrêya me Arîn dide avakirin. Di nava jiyanê de yek ji tişta sereke ku bala wê her tim dikşîne hevaltiya ku tê jiyîn e. Hevrêya me vê yekê bi van gotinan bilêv dike: ‘Hevaltiya di nava tevgera azadiyê de ne pênaseya wê, ne jî nimûneya wê tê dîtin bi tenê mirov dikare di nava refên azadiyê de wê yekê bijî.’
Hevrêya me Arîn di nava jiyana gerîlayan de her tim dixwaze ji hevalên ku li kêleka wê şehîd bûne re bi tevlîbûn û jiyana xwe ji wan re bibe bersiv. Li ser vî esasî li gelek qadan tekoşîn û beşdarbûneke di asta herî jor de dide raberkirin. Di her kar û xebatê ku dide meşandin de her tim armanca xwe ya sereke li ser esasê azadiya fîzîkî ya Rêber Apo ye. Hevrêya me ji bo Kurdistaneke azad bê navber û ji bo her pêwîstiyên Şoreşê heta dwiya kêliya jiyana xwe şer kir û têkoşiya.
Hevreya me Arîn Qoser her tim bi heyecan, fedekarî û hezkirineke bêhempa beşdarbûna xwe di nava jiyana gerîlayan de da avakirin. Di nava refên me de bi sekna xwe ya wêrek, bi hevaltiya xwe ya germ û bi hezkirina xwe ya bêdawî ya ji jiyana gerîla re ji hemû hevrêyên xwe re her tim çavkaniya hêz û moralê bû.
Hevrêya me bi kesayeta xwe ya zana û jîr bêyî dudilî tevlî her karî dibû. Her tim li ser esasê hîn zêdetir Rêber Apo nas bike, xwe li ser fikr û paradîgmaya Rêber Apo perwerde dikir. Hevrêya me wê bi sekna xwe ya sade û dirust wê her tim di nava refên me de bijî.
TOLHILDAN NÛMAN
Hevrêya me Kanî Talîreng, bi navê xwe yê tevgerî Tolhildan Nûman ewladeke xaka Rojhilatê Kurdistanê ye. Li navçeya Dilrefên a bajarê Merîwan’ê çavê xwe li dinyayê vedike. Di nava malbateke welatparêz de mezin dibe. Zarokeke bêdeng û mereqdarê jiyanê bû. Bi wî rengî her ku diçe û mezin dibe, jiyanê û her rengê wê dibîne. Bi taybet tiştê ku herî zêde li ser bandorç lê dike, pergala cezakirinê yadarvekirinan ya rêjîma Îranê ye. Hevrêya me ji bo ku rastiya vê rêjîmê fêm bike, ji bo xwe tenê rêyeke dibîne ku ew jî rêya azadiyê ya Rêber Apo ye. Hevrêya me pir baş dizane ku ew pergala darvekirinê ya ku her roj li ser gelê me êrîşan pêk tîne, çiqas bê wijdan û pîvan e. Hîna di temenê xwe yê ciwantiyê de vê yekê fêm dike.
Hevrêya Tolhildan, di zarokatiya xwe de tevgera azadiyê nas dike. Şehadeta şehîd Nûman Merîwan li ser wê bandoreke mezin çêdike. Ji ber vê yekê jî di sala 2023’yan de biryara tevlîbûna nava refên gerîlayan distîne. Di nava refên me de ji perwerdeya seretayî bigire heta perwerdeya pisporî her tim bi meraq û heyecan beşdarbûna xwe ya hem di hêla leşkerî hem jî di hêla bîrdozî de çêdike. Di her kêliyê de ji bo ku bigihîje xeyalên xwe û xeyala hevrêyên xwe yên şehîd bi cih bîne, di nava liv û tevgerê de bû. Xwedî qabîliyeta pêşketina her demî bû. Xwedî taybetmendiyek bilind ya zîrekbûn, fedekarî, pêşketina bê sînor bû. Di nava refên me de tişta sereke ya ku her tim jê re balkêş bû û jê bandor dibû nêzîkatiya hevalên jin li beramber hevalên xort û nirxên ku Rêber Apo ji jinan re dide ava kirin bû. Hevrêya me li ser esasê rêgezê xeta azadiya jina ya ku Rêber Apo jêre pêşengtiyê dike û bi hezaran jin di berdêla wê de canê xwe feda kirine ji bo bikaribe li Rojhilatê Kurdistanê bibe bersiv her tim xwe perwerde dikir û pêş dixist.
Bi dengê xwe yê zelal di nava her kêliya jiyanê de, ji bo hemû hevrêyên xwe çavkaniya hêz û moralê bû. Di nava refên me de ji roja ku beşdar bû heta kêliya şehadeta xwe, her tim di nava pêşketinên pir mezin de bû. Armanca xwe ya sereke ew bû ku bi Rêber Apo re bi awayekî azad jiyan bike. Ji bo xwe bigihîne vê armancê jî bêyî ku sînoran nas bike, xwe pêş xist û tevlîbûneke bêhempa pêk anî. Tim bi heqîqet û rastiyê jiya.
Em jî weke Hêzên Parastina Jinên Rojhilatê Kurdistanê careke din ji malbatên şehîdên xwe re û ji hemû gelê me yê welatparêz re sersaxiyê dixwazin, ji bo pêkanîna armanc, xewn û xeyalên wan soza bilindkirin û serxistina têkoşîna wan didin.’’
